ગુજરાત રાજયની શિક્ષણ અંતર્ગત માહિતી

પ્રજ્ઞાગીત

બનીએ પ્રજ્ઞાવાન

આપણે બનીએ પ્રજ્ઞાવાન

પ્રજ્ઞા દ્વારા આપણા સૌનું

વિકસતું રહે જ્ઞાન .....(2)

આપણે બનીએ પ્રજ્ઞાવાન

હળીમળીને શીખીએ સૌએ

અસહાય ના કોઈ ....

સૌ સંગાથે વધીએ આગળ

એ જ ખરું અનુષ્ઠાન ....(2)

આપણે બનીએ પ્રજ્ઞાવાન

સોનું-ચાંદી-રૂપિયા-સત્તા

અઢળક હોય ભલે ને ...

જેની પાસે શિક્ષણ સાચું

એ જ ખરાં ધનવાન ...(2)

આપણે બનીએ પ્રજ્ઞાવાન

જીવન સાર્થક બનતું એનું

ધ્યેય છે જેની પાસે ...

દ્રઢ નિશ્વયથી વધતાં આગળ

એ જ ખરાં બળવાન ...(2)

આપણે બનીએ પ્રજ્ઞાવાન
                                              -શ્રી પ્રકાશ પરમાર